İordanədə hərbi peqardımoni plan.
İordanədə hərbi peqardımon məvuji de ın kişvəri ərtışi mıdoxilə benəticə mandəy.
Bə ruyterz aqentiyəti raporti əsos, zinə şəviku İordaniya muxtəlif məntəğəonədə çandə ısətnə və nakonə rəsmi şəxson əcumlə podşoh ailəku lm kişvəri kerali bıvə, şahzadə Həmzə Bin Huseyni dastqir bey bəpeşt elan bıə ki İordanədə hərbi peqardımoni plan betəsir iyən məğlub mandəy.
Şahzadə Həmzə Bin Huseyn həm de kəşə vidio elanış karde ki dastqir iyən kədə həbs bıə.
İordaniya ərtış həm de bəyoniyə vositə bə Şahzadə Həmzə Bin Huseyn və çəy tərəfdarə rəsmi şəxson iyən odəmon notaş doə ki kişvəri əmniyəti zidd bıə har curnə koonku bə kəno bımandon.
Həminə xəbə elan bey bəpeşt məntəğə bəzi rəsmi şəxson de İordaniya ısətnə dıvlət və kerali ıştə mıttəfiğ bey elan kardışone.
