Yəmənı mıxtəlif məntəğon Səudiyə koalisiya hərbiyə təyyarəon tərəfo bombardımon bə.
Hərbiyə mənbəon,Səudiyə cinayətkarə koalisiya hərbiyə təyyarəon tərəfo Yəmənı mıxtəlif məntəğon bombardımon kardeku xəbə dodən.
Hərbiyə mənbəon,Səudiyə cinayətkarə koalisiya hərbiyə təyyarəon tərəfo Yəmənı mıxtəlif məntəğon bombardımon kardeku xəbə dodən.
Bə Əlməsirə ımrujnə xəbon əsosi Səudiyə koalisiya hərbiyə təyyarəon dəvardə 24 saatdə 4 kərə Sərvah şəhrstan, və 1 kərə Marib ostanədə Mədğəl şəhrstanışon bombardımon kardə.
Səudiyə koalisiya hərbiyə təyyarəon eyne holədə 4 kərə Həccə ostani Əbəs və Hərəz şəhrstanon və 3 kərə həm Cof ostani Xob və Əlşəəf şəhrstanon və 1 kərə həm Beyza ostani Əlsəvadiyə şəhrstanışon bombardımon kardə.
Səudiyə koalisiya eyne holədə mıtəmadiyə sorətədə otəş basti darıştedən və dəvardə 24 saatdə 245 kərə ım ostanədə otəşbastışon darıştə.
Bə ım xəbon əsosi Səudiyə koalisiya artileriya hucumon bə Həccə ostani Əbəs şəhrstani ğeyre hərbiyə binaon çandə nəfər ğeyre hərbiçi yarəjə bən.