Zərif de Kuveyti i minnə vəziri vindımon iyən muzakirəş karde.

İroni xarıci vəzir bə Kuveyt səfəri cərəyonədə de ın kişvəri i minnə vəziri vindımon iyən muzakirəş karde.

Bə Fars aqentiyəti raporti əsos, İroni xarıci vəzir Muhəmməd Cəvad Zərif ıştə reqional səfəri cərəyonədə bıə 4 minnə məğsədədə  bə Kuvey varid bıə iyən de ın kişvəri i minnə vəzir Şeyx Səbah Xalid Əhməd Əs-Səbah vindımon və muzakirəş karde.

İroni xarıci vəzorətxonə sıxanəvot Səid Xətibzodə həminə səfəri barədə votışe ki Bə Kuveyt səfəri cərəyonədə İroni xarıci vəzir Muhəmməd Cəvad Zərif de Kuveyti rəsmi şəxson vindımoni cərəyonədə 2 tərəfi əloğəon iyən məntəğə təhəvvolaton barədə votımon və muzakirə bəkarde.

Zərif çimi bənav, dəvardə rujonədə bə Ğətər, İrağ iyən Omman həm səfərış bıə be ki ım 3 qılə kişvəronədə həm 2 tərəfi iyən reqional və beynəlxalğ məsələon barədə de muxtəlif rəsmi şəxson muzakirəş karde.

İroni xarıci vəzir Muhəmməd Cəvad Zərif de Tuvitter mesaji Ommanədə bıə muzakironış vey çok iyən təsirin elanış karde.