İraği şimolədə çı Tırkiyə 2 qılə hərbiçion kıştə bıən.

Tırkiyə mudafiyə vəzir İraği şimolədə çı Tırkiyə 2 qılə hərbiçion kıştə beyku xəbəş do.

Bə İrib raporti əsos, Tırkiyə mudafiyə vəzir, de qıləy bəyoniyə sadir karde vositə, elanış karde ki İraği şimolədə de PKK qrupi mubarizə barde əməliyoton cərəyonədə ım kişvəri hərbiçionku 2 nəfər kıştə bıən.

İraği şimolədə çı Tırkiyə anti PKK tojə əməliyaton məntəğəku Kırdon diyə ro və pok karde xoto bino bıə iyən həmçenan dəvom kardedə.

Bə İrağədə bıə PKK qrupi uzvon Tırkiyə həmləon qıləy şərayetədə dəvom kardedə ki İraği rəsmi şəxson vey kərə həminə həmləon məhkum kardəşone və çəy dəvomi bənə İraği ərazi təmamiyət və hakımiyəti poymol karde nımonə bə hisobışon varde.

40 sor bəbe ki Tırkiyə iyən PKK miyono daveon dəvom kardedə.