sionist rejimi mahiyyəti əsos canqtələbiye.

İroni islami şura məclesi xarıci siyasət və milli əmniyət kamissiya rəis votışe: bə Ğəzzə məzlumə milləti zidd bıə tojə dıvrə həmləon, ım rejimi canq tələbə mahiyyəti nışo doydə.

Muctəba Zunnuri bə İranpress doə mısohibə cərəyonədə, bə sionist rejimi tojə cinoyəton işarə karde holədə votışe: ım rejimi hestemon de Fələstini sərzəmini işğal iyən bə çəy məzlumə milləti həmlə karde omoj qıniyə ki Fələstinijon ğətliam karde cinoyətədə xolasə bəy.

İroni islami şura məclesi xarıci siyasət və milli əmniyət kamissiya rəis Ğəzzədə bıə sionist rejimi cinoyəton vədə islami kişvəron qiədə bıə məsuliəton barədə votışe ki: İslami kişvəron bəpe de mıtəğabilə reaksiya nışo doe, Fələstini muğavimətiku himoyədorəti kon.

Zunnuri izhorış karde: ım ki sionist rejim bə Ğəzzədə canqi bino karde rozi bəy ıme ki ərəb bəzi xiyonətkorə kişvəron de zəifə iradə iyən ıştəni həvote, bo sionist rejimi diplomatonro sıə xoliçə oğande de ın rejimi ıştə əloğəon adi və normal kardışone.

Əv təkidış karde: islami ummət iyən milləton bəştə ko iyən məsuliyəti aqahin və de sionist rejimiku ıştə nifrəti elan karde iyən aksiya dəvoniye Fələstin məzlumə milləötiku himoyədorəti kardən ki ım vey muhimmə koe.

İroni islami şura məclesi xarıci siyasət və milli əmniyət kamissiya rəis Muctəba Zunnuri  votışe: əmmo islami dıvləto9n və təşkilaton bəpe sioniston bə Ğəzzə hucumi məhkum kon, və inki həminə həmləon vədə tov vardeyro bə ın milləti hərbi, humanitar və maddi cəhəto komək kon.