sionist rejimi vədə muğaviməti səbarzəti, İroni Yolə Rəhbəri təbrik mesaj.
12 rujə canqi nəticədə bıə Fələstini muğaviməti səbarzəti xoto İroni Yolə Rəhbər de qələy bəyoniyə sadir karde həminə səbarzətiş təbrik vote.
Bə İroni Yolə Rəhbəri məlumat ərosnə mərkəzi dəftərxonə raporti əsos, İroni Yolə Rəhbər bə Fələstini cıvon, zumand iyən ğəyrətmandə millət, muğavimət qurupon iyən Ğəzzə ğəhrəmonə cəmaəti səlom vığande kənoədə həminə hədyə doə bıə səbarzətiədə bə Fələstin mucahidə milləti ğadir iyən əzizə Xıdo komək və imdodi yodış varde və bo şəhid doə kəson zəxminə dıli oroməti iyən səbr, bo şəhidon İlahi rəhmət və bəşorət, iyən bo zəxmin bıə kəson komilə şifoş Xıdoku tələb karde iyən sionist cinoyətkorə rejimi vədə səbarzəti təbrikışon votıe.
Ə Həzrət bə ın nuktə işarəş karde karde ki dəvardə rujonədə bıə imtovon, Fələstin milləti fəxr iyən səbarzəti bois bıə və təkidəş karde: vəhşi, cəllod iyən neçi sifətış bıə dışmon vey çok aqah be ki Fələstin milləti həmmətərəfinə inğilobi vədə şandə zəif iyən bezu mandəy.
Həzrət Ayətullah Xamenei əlovəş karde: de Ğəzzə bə ico Ğuds, Ğərbi sahil, 48 numo bıə ərazi iyən laqerdon miyono həmkarion imtimon çı Fələstini tale nışoş do, ım 12 rujədə icborəkə rejim Ğəzzə milləti həxədə vey yolə cinoyəti mırtəkib bıə və əmələn oşko kardeşe ki Fələstin mlləti həmmətərəfinə ğiyami vədə bezu mandey xoto jığonə zəlilonə və condoə rəftori əncom doe holədə ki alamədə həmmə umum iştimaiyəti bə ım rejimi zidd təhrik karde bois bıdə iyən ım rejim ıştəni və qırd çəyku himoyəəkə ğərbi dıvləton xususi Amerkə dıvləti har zəmoniku vey bə nifrəti loiğ bey bois bıə, cinoyəton idomə və otəş basti tələb har 2 çın rejimi tələb be və əv sıvoy məğlubiyəti ğəbul karde çorəş nıbe.
İroni Yolə Rəhbər təkidış karde ki sionist xəbisə rejim çimi sə əlovə həm zəif bəbe hamiyəşe: Fələstini cıvonon hozzıəti, cəhodi vey erjinə qrupon zumandəti, daimi surəti çı ğıvvon miğdor Fəlstini har ruj zumand iyən işğalçiyə rejimi har ruj bezu iyən zəlil bəkarde.
Ə həzrət daveon bino iyən vəy qəte de Fələstini cəhodi iyın siyasi yolon təin bəbe əmmo meydonədə işterak və hozzıəti tətil nibəbe ıəlovəşon karde: muzdurə rejim iyən mikrorəyononədə sakin bıə sioniston vədə bıə Şeyx Cərrah məntəğə milləti təcrubə bəpe həmmişə bənə çı Fələstin ğeyrətmandə milləti şivə və metodi bıbu.
Həzrət Ayətullah Xamenei ijən bə ın nuktə işarəş karde ki İslam dınyo daimən çı Fələstini məsələ vədə məsuliəti bəpe hiss ko iyən dini vəzifəonış heste və təkidış karde: siyasi əğl həmçenin hakemiyət təcrubəon həm həminə şərii hıkmi təsdiğ kardedə, mıslmonə dıvləton bəpe Fələstin millətiku mudafiyə karde sahədə sadiğanə bə meydon daxil bıbun, həm hərbi və həm maliyə cəhəto himoyəon sahədə ki har zəmoniku vey hiss bıdə və həm Ğəzzədə bıə vironəon və infrastrukturon obdon karde planonədə.
İroni Yolə Rəhbər milləton tərəfo tələb iyən təğibon, həminə dini və siyasi hədəfi peşt-pur və hisobış varde və votışe: mısılmonə milləton bəpe həminə məsuliyəti əncom doe ıştə dıvlətonku tələb kon və bəştə zu əsos Fələstin millətiku siyasi iyən maliyə cəhəto himoyədorəti kon.
Ə həzrət oxoədə co qılə muhimmə vəzifəş, çı sionist cinoyətkor iyən terroristə hukuməti cinoyəton təğib karde zınəş be iyən təkidış karde: həmmə oğoə vicdanon təsdığ kardedən ki həminə 12 rujədə bıə sionist rejimi anti jen və anti hırdən cinoyəton bəpe be cəvob nımando. Im rjimi həmməy təsirinə amilon əcumlə cinoyətkorə Netanyahu bəpe mıstəğil beynəlxalğ məhkəməon tərəfo təğib iyən cəzo doə bıbu, və de İlahi ğəvvə koməki ın ko əməli bəbe.