Bəşar Əsədi səbarzəti barədə İroni təbrik mesaj.

İroni xarıci vəzorətxonə, Suriyədə bıə mıvəffəğə səçeni dəvoniye iyən perezident intixobatədə Bəşar Əsədi bə səbarzəti rəse təbrik votışe.

İroni xarıci vəzorətxonə ıştə bəyoniyədə təkidış karde: Suriyədə muvəffəğ səçeni dəvoniye iyən Suriyə milləti hevujə işterak ın kişvərədə sulh, oroməti, əmniyət, obdonəti və stabilətiro muhimmə hərəkət be.

Həminə bəyaniyədə təsdiğ bıə: İron bə Suriyə milləti ğəroli ehtırom karde kənoədə, orzo bəkarde ki Suriyə millət  xarıcion mıdoxiləku bə kəno, ıştə sərnıvışti təiin kon.

Suriyə parlamenti yol Həmode Səbbağ penşənbə ruji qıləy xəbə iclosədə elanış karde ki Bəşar Əsəd de 95 faiz sədo doə kəson sədo kəsb karde bənə Suriyə kişvəri prezidenti vıjniyə bəy.

Jeğo elan bıə ki təğribən 13 milyono 500 həzo nəfər ın kişvərədə sədo doə kəsonku yəni 78 faiz bə Bəşər Əsədi sodo doəşone.