İraği şimolədə Tırkiyə təcavuz dəvom kardedə.

Tırkiyə mudafiyə vəzorətxonə İraği şimolədə bıə Tırkiyə hərbi əməliyaton nəticədə çand nəfər çı PKK qurupi uzvon zəxmin beyku xəbəş do.

Bə İrib raporti əsos, Tırkiyə mudafiyə vəzorətxonə, de qıləy bəyoniyə sadir karde vositə, elanış karde ki İraği şimolədə de PKK qrupi mubarizə barde bombardımon əməliyoton cərəyonədə ki Dəhuk ostani Mətin numo bandonədə əncom bıə təğribən 4 nəfər çı PKK qurupi uzvon kışte və 5 nəfər həm zəxmin bıən.

Bəyoniyə dəvomədə ğeyd bıə: Tırkiyə hərbiçion muvəffəğ bıən PKK terrorçion təcavuzi vəy ğəteyro de hərbi əməliyoton vositə Suriyədə həm ın qurupi uzvon vədə mane bıbun.

Həminə xəbədə təsdiğ bıə ki əməliyoti cərəyonədə kiSuriyə şimol Əfrinədə əncom be 3 nəfər çı Tırkiyə hərbiçion kıştə bəy.

Tırkiyə anti PKK əməliyaton, Suriyə Hələb ostani bəzi baxşon bombardımon karde vositə dəvom kardedə.

Bə Suriyə iyən İrağədə bıə PKK qrupi uzvon Tırkiyə həmləon qıləy şərayetədə dəvom kardedə ki ın 2 qılə kişvəri rəsmi şəxson vey kərə həminə həmləon məhkum kardəşone və çəy dəvomi bənə beynəlxalğ ğanun iyən milləton ərazi təmamiyət və hakımiyəti poymol karde nımonə bə hisob vardəşone.

40 sor bəbe ki Tırkiyə iyən PKK qurupi miyono daveon dəvom kardedə.