Prezident səçenədə Xarıci kişvəronədə bıə İronijon veyə iştirok.

İroni prezident səçeni 13 minnə dıvrə de veyə hərorəti iyən İroni şahrvandon iştiroki zinə bərpo be.

De İronədə bıə səçeni həmzəman, dınyo muxtəlif kişvəronədə bıə İroni şahrvandon həm sədo doə vırəonədə sıdoşon do.

Bə İroni xarıci vəzorətxonə elani əsos, təğribən 230 qılə şobədə İronıjon sədo qırdə kardə bəy.

İroni xarıci vəzorətxonə sıxanəvot Səid Xətibzodə zinə elanış karde ki həmməy məhdudiyəton jintonədə ki veyni Koronavirusi xoto icod bıə əmmo zinə prezident səçen 5 qılə ğitədə bıə 133 qılə kişvərədə de 234 qılə sondox iyən ğutti vositə qırdə kardə bəy.

Zinə, prezideni 13-ə dıvrə, di və şəhron islami şuraon 6-ə dıvrə, xubrıqan rəhbəri məclesi 5-ə iyən islami şura məclesi 11-ə miyon dıvrə intixobat İronədə bərpo be.