Suriyə behroni həl kardeyro Tehron-Dəməşği miyono həmohənqion.

Siyasi koonədə İroni xarıci vəziri mışovir və Suriyəxarıci vəzir bə Suriyə behroni həl kardeyro Tehron-Dəməşği miyono həmohənqion xususi Astanə nomo bıə siyasi prossesi çərçivədə təkid kardışone.

Siyasi koonədə İroni xarıci vəziri mışovir Əli Əsğər Xaci və Suriyəxarıci vəzir Feysəl Meğdad Dəməşğədə bıə ıştə tojə vindımon və mulağatədə çı məntəğə oxonə təhəvvolaton xususi Suriyə ısətnə şərayeti barədə votımon və muzakirəşon karde.

Ğeyd kardənine ki Suriyə və İraği sərhəddədə çı Amerkə təcavuz və be ğanunə hərəkəton dəvom kardeydə.

Dəvadə şəv Amerkə hərbi ğırəkə təyyorəon bə Suriyə Deyru-Zzur ostani sərhəddi təcavuz karde cəryonədə i qılə hırdəni şəhid və çand nəfəri zəxmin kardışone.

Bə oxonə raporti əsos, Amerkə hərbi ğırəkə təcavuz karə təyyorəon pəynə şəv saət 1 həm de çandqılə rəketi  Bukəmal məntəğədə bə Suriyə iyən İraği sərhəddədə bıə məskuni məntəğəon həmləşon karde.