Rusiyə çı Suriyə 2 qılə hərbi bazəonku istifodə karde mığovilə basteşe.

De Rusiyə iyən Suriyə tojə hərbi mığovilə bərobər, 11 qılə Rusiyə hərbi kəştion bəznın həmzəman Suriyə Tərtus bəndəriku istifodə bıkən.

Bə Press Tv raporti əsos, Im sənədi mıddət 49 sor ğeyd be ijən bəzne de mıştərəkə təvafoği çəy mıddət ujnən 25 sor ziyod bıbu.

Mığovilə bə Suriyə Tərtus bəndər ya porti be pul istifodə karde ijən vey rohət Rusiyə silahon və hərbi ğıvvon ailəon vırə bə vırə karde təkid be.

Rusiyə çımiku bə nav həm Suriyə Tərtus nomo bıə hərbi bazəonədə S-300 rəketiyə sistemon ğərol doəş be.

Həçınin tojədən və Suriyə Laziğiyə şəhrədə həm Rusiyə ıştə S-400 rəket inkişofinə sistemon noəşe.

Rusiyə ki ısət bənə Suriyə dustə kişvəron heste, 2015-nə soriku və çın kişvəri icuzə bəpeştə bə Suriyədə bıə terroristə qurupon əleyh hərbi həvoiyə əməliyaton binoş kardə ki çandə bə suriyə zəmini ğıvvon koməkış karde.

Suriyədə dəvardə 6 sori mıddətədə bıə canqi nəticəku, 470000 nəfər çı kişvəri cəmaət kıştə ijən bə 2 milyon nəfər avarə bən.