Dəməşğ bə Suriyə şimolədə bıə kırdon notaş do.

Separatçiyə hərəkəton barədə Dəməşğ bə Suriyə şimol iyən şimolşərğədə bıə kırdon notaş do.

Bə Rusiya-Əlyom raporti əsos, Suriyə xarıci vəzorətxonə de qıləy bəyoniyə vositə təkidış karde ki kırdə lideronku bəzion həminə separatçiyə hərəkəton çoknə bənav bardeyro bə ğərbi kişvəron səfər kardedən.

Xarıci vəzorətxonə bəyoniyə dəvomədə təsdiğ bıə ki kırdon tərəfo jığonə hərəkəton Suriyə hakımiyət iyən ərazi təmamiyyəti zidd bıə koonin ki bə Amerkə iyən Tirkiyə xidmət karde çərçivədəy.

Həminə bəyoniyədə bə Suriyə şimol iyən şimolşərğədə bıə kırdon nota doə bəy ki bə kişvəri mənafe əks harcurnə təcavuz, separat çiyə hərəkəton iyən bə xaiin unsuron kom kardeyku bə kəno bımandon.

Suriyə Kırdə lidıron ki veyni bə ın kişvəri muxtar məntəğə vabəstəyonin dəvardə rujonədə qıləy kəmpeyni bino kardəşone iyən Suriyəku co bey fikədən.