Dınyo kişvəronədə Huseyni şıt əhə hırdənon matəmə iclos.

Imruj de məhərrəmə manqi i minə cımə ruji mınosibəti Huseyni şıt əhə hırdənon matəmə iclos virtual surəti bərpo be.

Huseyni şıt əhə hırdənon matəmə iclos Məhərrəmə manqədə qıləy məzhəbi mərasime ki bə Aşuradə şəhidə hırdənon yodi əziz qətə xoto İron və dınyo mısılmonə cəmaəton tərəfo har sor Məhərrəmə manqi i minə cımə ruji dəvoniye bıdə.

Im matəmə mərosim de İroni həmzəman xususi Hindistan, Pakistan, İrağ, Ərəbiston, Tırkiyə iyən Əfğanistoanədə hə de səhiyəvi porotokolon rioyəti yaxod virtual surəti bərpo be.

Im mərasim de Həzrəte Əli Əsğər(ə) beynəl xalğiyə icma zəhməti və bə Kərbəlo 6 manqış bıə şıt əhə hırdən Həzrəte Əli Əsğər(ə)-i ehtırom karde xoto bərpo be.

Im mərosimədə inəon de vahid oləton bəştə şıt əhə hırdənon tan karde iyən bə çəvon sə Həzrəte Əli Əsğər(ə)-i nom nıvıştə bıə səbandi baste ıştə irodəti bə Əhlibeyte İsmət və Təhorət(ə)-i nışo dodən.

İnəon həminə matəmə mərosimədə ıştirok karde vositə de Həzrəte Əli Əsğər(ə)-i inə həm nolə bıdən.

Həzrəte Əli Əsğər(ə) çı şiəyon 3-nə İmomi vey qədə hırdən be ki bənə 6 manq sinış bıə şıtəhə korpə bələ onvani Kərbəloədə şəhid be.