İraği şimolədə Tırkiyə təcavuz dəvom kardedə.

Tırkiyə mudafiyə vəzorətxonə İraği şimolədə bıə hərbi əməliyaton nəticədə çı PKK qurupi cəm bıə vırəon bombardımon kardeyku xəbəş do.

Bə TRT raporti əsos, Tırkiyə mudafiyə vəzorətxonə, de qıləy bəyoniyə sadir karde vositə, elanış karde ki İraği şimolədə bıə Asos nomo məntəğədə de PKK qrupi mubarizə barde hərbi əməliyoton cərəyonədə ın qurupi cəm bıə vırəon bombardımon kardəşone.

Həminə əməliyotədəki İraği sərhəddiku 200 kilumetr daxil əncom be, 20 qılə hərbi təyyorə 28 qələ çı PKK qurupi baza iyən cəm bıə vırəon bombardımon kardışone.

Hələ əməliyoti detl və ehtemoli tələfotiku heç çi muntəşir bə ni.

Bə Suriyə iyən İrağədə bıə PKK qrupi uzvon Tırkiyə həmləon qıləy şərayetədə dəvom kardedə ki ın 2 qılə kişvəri rəsmi şəxson vey kərə həminə həmləon məhkum kardəşone və çəy dəvomi bənə beynəlxalğ ğanun iyən milləton ərazi təmamiyət və hakımiyəti poymol karde nımonə bə hisob vardəşone.

40 sor bəbe ki Tırkiyə iyən PKK qurupi miyono daveon dəvom kardedə.