Bə yəmənı ğeyre hərbiyə məntəğon Səudiyyə Ərəbıstonı həvoiyə hucumon dəvom.

Beynəlxalğə ictimaiyyəton tam jəe sayədə Səudiyyə Ərəbıstonı hərbiyə təyyarəon ijən yəmənı mıxtəlif məntəğon bombardımon kardən.

Bə telerədyo aqntəti xəbon əsosi Səudiyyə Ərəbıstonı təcavuzkarə təyyarəon zinə 6 kərə bə yəmənı  ğeyre hərbiyə binaon Səna ostani 9 nə şəhri Yam Bəran iyən Əlhərşəfə məntəğon hucum kardən ki ım hucumon nəticədə qıləy holədə ki ğeyre hərbiyə binaon iyən di təsərrufati zəminon xərobə bedən xəyli yəmənıjə şəhrvandonku həm kıştə bedən.

Səudiyyə Ərəbıstonı təcavuzkarə təyyarəon həmçinin 3 kərə bə yəmənı paytəxt Səna şəhri  Əlruzə ğeyre hərbiyə binaon hucum kardən.

yəmənıjə ğıvvon həm bə Səudion hucumon cəvob doe xoto yəmənı şimal hissədə Əlcuf ostanədə de artileriya qullə bə Səudiyyə Ərəbıstonı muzdoron hucum  kardən ki nəticədə 8 nəfər muzdoronku kıştə və çandə nəfər həm yarəjə bedən.

yəmənıjə ğıvvon həmçinin Səudiyyə Ərəbıstonı muzdoron hucumon ki hərəkət kardə bin yəmənı cənub ğərb Təez ostanı Əlcədid Kədhə iyən Xəzra məntəğon kontıroli bəştə dast bıqəton de məğlubiyyət dim bə dim kardən və xəyli muzdoronku həm bə həlokət rosnedən.

yəmənı mudafiyə vəzorətxonə həm yəmənı cənub ğərb Muxa nomo bıə şəhrədə Səudiyyə Ərəbıstonı muzdoron Apaçi vertəliyuti bə zəmin eğandeku xəbə dodən.

2017 minnə sori yanvarə manqi əvvəliku yəmənıjə sınaperon Səudiyyə Ərəbıstonı Cizan Nəcran və Əsir məntəğonədə 25 qılə Səudiyyə Ərəbıstonı muzdoronku iyən hərbiyə ğıvvonku bə həlokət rosnedən.

yəmənıjə ğıvvon təcavuzkarə təyyaron cinayəton vədə yəmənı mıxtəlif vıronədə ıştə əməliyatonışon ve kardə.

Səudiyyə Ərəbıston Amerkə  və İnqiltərə tərəfdarətiədə 2015 minnə sori martə manqiku yəmənı bə kəno mandə bıə president Əbde Rəbbe Mənsur Hadi bə ğıvvə oqırdıneyu bə yəmənı millət ıştə hucumışon bino kardə.

ım hucumonədə təğribən 11 həzo qılə yəmənıj kıştə bə.