Rəhim Səfəvi: bə anti inğilob dastəon həmlə bəkamon.

İroni Yolə Rəhbəri hərbi mışovir təkidış karde: İroni sərhəddiku bə tərəf bıə anti İron qurupon hədəf ğəror bədamon.

Hərbi sahədə İroni Yolə Rəhbəri məxsus məsləhətçi votışe: bə İraği kırdıston muxtar məntəğə yolon xətob vətəmone ki İroni sərhəddon noəmnəkə hiç qılə silohinə ğıvvon ln məntəğədə ıştiroki tov nibəvardımon və əvon bəpe çəvon hakımiyyəti hintonədə bıə məntəğəonədə nıbun.

Qeneral sey Yəhyo Rəhim Səfəvi İraği şimolədə iyən bə anti inğilob dastəon zidd İroni sepah zəmini ğıvvon əməliyoti barədə əlovəş karde: Kırdıston bıpe anti İron qurupon cəm kardə vırə nıbu.

İroni Yolə Rəhbəri hərbi mışovir votışe: ciddi surəti nota bədamon ki İnti İron qurupon ki çəmə sərhəddi har vırədə hestin, iyən hamsuyə kişvəroni ki bəvon vırə, imkanat iyən siloh doəşone aqah bıbun ki İron ciddi və peşmonəkə sorəti de əvon muğabilə bəkarde.

Qeneral sey Yəhyo Rəhim Səfəvi təki kardışe: har çənd ki jığonə anti İron qurupon İroni sərhəddi ətrofədə çəmə muzahimin əmmo çı İroni hərbi ğudrəti vədə vey qədə bə hisob omedən iyən millət və silohinə ğıvvon anədə zumand bıən ki hətto İroni dışmononku yolə qılə Amerkə həm İroni zumandətiku aqah bıə.