İron iyən Tırkiyə sərhəddonku kamazon şe-ome adi surəti dəvom kardeydə.

Ərzrumədə bıə İroni əsrkonsul votışe: bə tırkiyə İroni kamazon və tranziti vəy qətey barədə muntəşir bıə xəbon kamilə pesoxtə bıə xəbəy iyən de şəytoniyə hərəkəton vositə icod bəxş bıə.

Bə İran Pres aqentiyəti raporti əsos, Tırkiyə Ərzrumədə bıə İroni əsrkonsul Səccod Sultanzodə de həminə mətləbi elani əlovəş karde: zinə 400 qılə İronıjə kamaz bə Tırkiyə varid bıən iyən İron və Tırkiyə sərhəddonku kamazon şe-ome adi surəti dəvom kardeydə.

Ərzrumədə bıə İroni əsrkonsul ijən votışe: bə Tırkiyə şərğədə bıə komruki idorə elani əsos, tranzit nəğliyotədə 2 qılə kişvəri miyono hiç problemi ni.