İron və Ərəbistoni miyono iminnə təvafoğ.

İroni xarıci vəzorətxonə Tehron-Ərriyadi muzakironədə i minnə səzişonku xəbəş do.

İroni xarıci vəzorətxonə sıxan əvot Səid Xətibzodə de Mehr aqentiyəti mısohibə cərəyonədə İron və Ərəbistoni miyono muzakirəon barədə votışe: 4 dıvrə həminə votımononku əncom bıə iyən 2 qılə kişvər de yande rabitəşone.

Xətibzodə 2 qılə kişvəri səforətxonəon oj bey barədə həm votışe: hələ bə səforətxonəon okardey vey faxt mandə və çəy bənav bəpe ijən muzakirəkəmon.

Tojədən, İtaliyaədə bıə G20 nomo iclosi kənoədə Ərəbistoni xarıci vəzir Feysəl Bin Fərhan Ali Səud,Ərəbiston və İroni miyono bıə muzakirəon oxonə vəziyəti barədə votəş be ki ın muzakirəonədə mısbətə vəziyət hosil bə ni.

Miladi 2016 minnə sori Yanvari 3 iyən Məşhədədə bə Ərəbistoni ssəfarət iyən kunsoli noməlomə şəxson həmlə bəpeşt Ərəbiston ıştə diplomatok həmkarionış de İron ğətış karde.