De İron mubarizə barde meydonədə Amerkə məğlub bıə.

İroni Sepah təşkilati fərmondə canışin votışe: Amerkə vey kərə eterofış kardə ki de İron İslam Respublika mubarizə bardey meydonədə məğlub bıə.

Qeneral Əli Fədəvi əlovəş karde: 42 sor bəbe ki İron İslam Respublika de istikbor mubarizə bardey holədəy.

İroni Sepah təşkilati fərmondə canışin bə Umman dıyoədə İroni nat kırnə tankeri dızdiye macəraədə Amerkə məğlubiyəti işorəş karde və votışe: ın həğiğət ki de Aban manqi 13 minnə ruji həmzəman be ijən çı İstikbori mahiyət və de istikbor mubarizə bardey zəruriyyəti nışoş do.

İroni Sepah dıyo ğıvvon tojədən Umman dıyoədə dıştə zumand və çəy faxtədə bıə əməliyoti vositə İroni nat kırnə kəşti dızdiye cərəyonədə Amerkə kəştion xəbisə plani məğlub kardışone.