Qeneral Səlomi: çı dışmenon zumandəti zohirədəy.

İroni Sepah təşkilati rəis votışe: dışmenon siloh təchizoton miğdor çəvon zumandəti nışonə ni və fəğət zohirədə əvoni zumand nışo doydə.

Bə Fars aqentəti raporti əsos, Qeneral Huseyn Səlami zinə və de Amerkə dıyo dızdiyəti muğabilə kardə ğəhrəmonon vindemoni cərəyonədə təsdiğış karde: ın yolə səbarzəti əqəçı cuğrafiyo cəhəto qədə be əmmo dışmeni təhğir kardey səth və meydonədə vey hevuj bıə.

İroni Sepah təşkilati rəis Sepah təşkiloti dıyo ğıvvon əməliyoti ki Amerkə hərbiçion bə peşo okırniye bois bıə vey bə təğdiri loiğə ko bə hisobış varde və votışe: ın qıləy canqiku nımonə, vey muvəffəğ iyən çəy faxtədə bıə əməliyot be ki çəy məhorət, plan ıyın zumandəti ijən İroni hərbi ğudrət və əsqəron şucaət-məhorəti nışoş do.

İroni Sepah dıyo ğıvvon dəvardə haftə Umman dıyoədə dıştə zumand və çəy faxtədə bıə əməliyoti vositə Amerkə xəbisə plani ki İroni nat kırnə kəşti dızdiye pidəş be məğlub kardışone.

Həminə əməliyoti fərmondə Tolışon yolə fəxr iyən ğəhrəmonə kamandir qeneral hoci Sadiğ Əmuii be ki ın stajış nıbıə heyrıtomizə əməliyoti kontorol və mudiriyətədə çı İroni Sepah təşkiloti dıyo ğıvvon hidoyət kardedə be.