Ğalibaf: Fələstin çı islam dınyo vey muhimmə məsələy.

İroni islami şura məclesi rəis Fələstin məsələş çı dınyo vey muhimmə ko bə hisobış varde və muğavimət cəhbə zumandətiş sionizm rejimi xar-zəlil bey amil zınəş be ki oxoədə ın rejimi məhv bəkarde.

Bə İrna Raporti əsos, Muhəmməd Bağır Ğalibaf, islami həmkari təşkilati uzv bıə kişvəron məclison yolon iclosədə bə islami kişvəron həmmə tərəfinə inkişofi işorəş karde və votışe: əsli təhəvvolaton zəmoni bə vırə bərəse ki həmmə mısılmonon de islami vəhdəti sayədə islami mıştərək prinsiponku bo islam dınyo mışkilaton həlliro istifodə kon.

İroni islami şura məclesi rəis vəhdət, həmkarəti iyən intiqerasia çı islam dınyo muhimmə sterateqiya bə hisobış varde və votışe: ın muhimmə mədsələ bəpe çı islami həmkarəti parlamenton və məclison tərəfo təğib bıbu.

Ğalibaf Fələstin məsələş çı dınyo vey muhimmə ko bə hisobış varde və təkidış be: 70 sor bıdə ki dınyo çı bəşər həxon və Fələstin milləti kəroməti poymol bey bardə ki de sionist rejimi vəhşi cinoyəti vositə dəvom kardeydə sukutış kardə.

Əv muğavimət cəhbə zumandətiş sionizm rejimi xar-zəlil əkə amil zınəş be ki ın rıjimi bezuş kardə və votışe: muğavimət çı marqi mədəniyət ni bəlkəm jimon mədəniyəte.

İroni islami şura məclesi rəis Əfğanistoni məsələş çı islomi umməti ciddi məsələ bə hisobış varde və votışe: İron vey sorone ki de Əfğanistoni millət ıştə dustiyətiş sobot kardəşe və bəştə zərfiyəti əsos əzizə Əfğanion mizban bıə və əvoni ğəbulış kardə.

Ğalibaf votışe:İronədə bo 3 milyono nimə Əfğanionro jimoni şəroyet icod bıə əmmo anti İron zalimonə sanksiyaon İroni iğtisodi zərfiyətonış məhdud kardə.