Bə yəmənı zid Səudiyyə Ərəbıstonı həvoiyə hucumon dəvom

Səudiyyə Ərəbıstonı hərbiyə təyyarəon ımruj yəmənı Səna Əlhədidə və Təez ostanon bombardımon kardən.

Bə yəmənı Əlməsirə TV kanali elanon əsosi bə yəmənı ğərb Əlhədidə ostani Əlxuxə sahiliyə məntəğə  Səudiyyə Ərəbıstonı həvoiyə hucumədə 5 qılə moy əqət kıştə və 3 nəfər həm yarəjə bedən.

həmçinin Səudiyyə Ərəbıstonı hərbiyə təyyarəon 9 kərə bə yəmənı paytəxt Səna ostani Əlkəsarəh məntəğə hucum kardən və ım məntəğə bombardımoni nəticədə 10 nəfər kıştə və yarəjə bedən.

yəmənı cənub ğərb Təez ostani Əlməxa nomo bə şəhr həm 4 kərə de Səudiyyə Ərəbıstonı hərbiyə təyyarəon hucumi dim bə dim bedə.

ım hucumon cəvobədə yəmənı Ənsarullah hərəkat yəmənı mərkəz Mareb ostanədə bə Səudiyyə Ərəbıstonı muzdoron hərbiyə maşinon hucum kardeədə çandə qılə çəvon hərbiyə maşinonku arəku bardən.

yəmənı hərbiyə ğıvvon həmçinin yəmənı şimal Cof ostanədə bə muzdoron cəm bə vırə hucum kardən.