Əbutorabifərd: İslomi nizom çı məntəğə əmniyəti inkişofi bois bıə.
Tehroni cımə imom votışe: İroni islomi nizom məntəğədə əmniyəti vey mənoin holəti zoyodış karde.
Bə İranpress sayti raporti əsos, Tehroni zinə ruji cımə imom Muhəmməd Husey Əbutorabifərd təkidış karde qələy şəroyetədə ki Amerkə və sionis rejim çı Asiya ğərb məntəğə bestabil kardey bois bıdən, İroni nizom mıvəffəğ bıə ki məntəğədə əmniyəti səth iyən miğdori vey ziyod iyən nə bo İron bəlkəm bo məntəğə kişvəron və islom dınyo iğtidoriro roy oj ko.
Huccətul islom vəl muslemin Muhəmməd Husey Əbutorabifərd bə məntəğə və dınyoədə bıə Şəhid Suleymani rol və təsirinə vırə işorəş karde ki çoknə de İŞİD mubarizə bardeyroədə bo İron, məntəğə, Avropa iyən dınyo əmniyəti xəlğış karde.
Tehroni cımə nımuji mıvəğğətə İmom bə hərbi imkanaton təmin karde kənoədə maliyə xəzinəon əhəmmiyəti işorəş karde və votışe: de maliyə imkonaton və xatircəməkə bəromə bəbe ki bə əmniyəti vey barzə bandon bırəsəmon ki jimonədə səaaət və hərəbaxtəti amile.
