Rəisi: məntəğədə Hizbullah və muğavimət çı barzə mıvğiyyəti xıvandin.

De şəhidon ailəon vindemoni cərəyonədə İroni prezident votışe: ısət məntəğədə Hizbullah və muğavimətin ki çı barzə mıvğiyyəti xıvandin.

Bə İrib raporti əsos, Sey İbrohim Rəisi ki bə Ğom səfərış kardə be bə İrağ, Suriyə, Əfğaniston iyən İrağiku Amerkə hərbiyoni ixroc bey işorəş karde və votışe: Amerkə ımruj harzəmoniku vey zəif bıə və məntəğədə Hizbullah və muğavimət quruponinhəmçenin Fələstini mucahidonin ki çı barzə mıvğiyyəti xıvandin.

Risi əlovəş karde: şəhidon çı məntəğə əmniyəti qarantiya kardışone və ımrujnə rujədə bıə oroməti çı şəhidon xuni bərəkətikue əmmo dışmon beko nıştə ni iyən ısət Suriyəku İŞİDİ uzvonış bə Əfğaniston vardeydə.