De şiəyon 9-nə İmomi moəku bıə ruji mınosibəti təbrik.

Imruj Hicri Ğəməri 1443-nə sori Rəcəbə manqi 10, Miladi 2022-nə sori Fevrali 12 ijən şiəyon 9-nə İmom Həzrəte İmom Muhəmməd Təğı(ə)-i milad ruji sorəqardışe.

Həzrəte İmom Muhəmməd Təğı(ə) Hicri Ğəməri 10-nə sori Mədinədə bə dınyo omə iyən ıştə qiromiyə pıə(şiəyon 8-nə İmom) Həzrəti Rıza(ə)-i şəhodəti bəpeştə mıslmonə cəmaəti rəhbərəti kooş bəştə ohdəş ğəte.

Həzrəte İmom Muhəmməd Təğı(ə)-i ləğəb Cəvadul Əimməy.

İmom Rıza(ə) ıştə qiramiyə zoə Həzrəte Cəvad(ə)-i məğom iyən mənziləti barədə hamyəşone: çımıku qıləy zoə heste ki bənə Musə(ə) elmi dıyoon poə əkəy.

İmom Cəvad(ə) 8 sorəti sinniku de tosə 17 sori mıddət çı iştimoiyəti rəhbər iyən lider be, ım yəni ə Həzrəti İmoməti dıvran nocıvonəti de tosə cıvonəti zəmon be.

Şiəyon 9-nə İmomi viloyət iyən imoməti dıvrədə vey islomi və ğəyri islomiyə pesoxtə bıəfirğəon icod iyən co milləton miono elmi inkişof icod be, çumçiku Həzrəte İmom Muhəmməd Təğı(ə) həm bə elmi və əğidəvi mıbohisəon varid be, ta İmomət məğomi mıhofizə karde xoto çandə deştə İlahiyə elmi həmonə iclosonədə ıştirok və dini prinsiponış oqəto.

De dınyo şiəyon 9-nə İmomi moəku bıə əyyami həmzəman zinə şəviku İroni məçidon, huseyniyəon iyən məzhəbi vırəonədə məxsus mərasimon bino be ijən ımruj həm dəvom kardedə.

İmom Cəvad(ə)-i dədə İmom Rıza(ə), və qiromiyə bibi Həzrəti Xanım Məsumə(s) pokə hərəmon yəni Məşhəd iyən Ğomədə həm Əhli-Beyt(ə) aşğon de muxtəlif mərasimonədə ıştirok karde şiəyon 9-nə İmomi milad ruji sorqadışi bə yande təbrik votedən.

İron Tolışi Rədio tərəfiku ım mınosibəti bəşımə təbrik ərz kardıdəmon.