İron və Suriyə miyono bıə ticori həmkarion inkişof.

Suriyədə bıə İroni səfir Tehron-Dəməşği miyono bıə əloğəonədə 90 faiz inkişofiku xəbəş do.

Bə İRİB raporti əsos, Məhdi Subhani zinə bə Suriyə Əl-Dəməşğ rujnomə doə mısohibə cərəyonədə votışe: İron və Suriyə miyono bıə əloğəon tale tam məlum məsələy.

Sobhani əlovəş karde İron və Suriyə rəsmi şəxson miyono bıə siyosi irodəon jəğo heste ki bə həmkarion inkişofi fik kardən və əmə de terrurizm mubarizə barde de muvəffəğiyəti sə kardey bəpeşt ısət iğtisod iyən ticorət sahədə həmkarion inkişofi fikədəmon.

Əv ijən mədəni, elmi, təlim və muxtəlif shəonədə 2 qılə kişvəri miyono həmkarion inkişofiku xəbəş do və bə mıvcudə potansiyelon işorəş karde.

Məhdi Subhani həmçenin çe sioniston və Amerkə xəbisə planon vədə ojnən bə Suriyə ərazi təmamiyət və hakımiyəti tam oqəte və bəy ehtiron noe təkidış karde.