Bə yəmənı zid Səudiyyə Ərəbıstonı həvoiyə hucumon dəvomış heste.
Bə Sədə Əlhədidə Təez və Zımar ostanon Səudiyyə Ərəbıstonı həvoiyə hucumon dəvomədə çı məntəğon çandə qılə şəhrvand kıştə və yarəjə bedən və bə binaon iyən muhimmə mərkəzon xəsorət qınedə.
Bə Əlməsirəh TV kanali ımrujnə elanon əsosi Səudiyyə Ərəbıstonı hərbiyə təyyarəon həvoiyə hucumonədə bə qıləy kamaz ki qaz həml kardə be iyən bə coqlə ğeyre hərbiyə maşini təşkil bə hucumədə ki yəmənı Sədə ostani Məcəz nomo bıə mikroşəhrədə əncum bə 4 nəfər yəmənı be mudafiyə şəhrvandonku kıştə bedən.
Səudiyyə Ərəbıstonı təcavuzkarə təyyarəon coqlə bə Əlhədidə ostani Əlsəlif nomo bə mikroşəhri Rəs İsa məntəğə 4 kərə hədəf qətedən.
Təez ostanədə bə Morəzzə mikroşəhri rabitə mərkəzi həm deşmenon tərəfiku həvoiyə hucumon təşkil bedə.
Səudiyyə Ərəbıstonı hərbiyə təyyarəon həmçinin Təez ostanədə Əlmuxa mikroşəhri Cəbəl Əlnar məntəğə bombardımon kardən iyən Sədə ostanədə həm 4 qılə yəmənıjə şəhrvandonku kıştə bedən.
