Rəisi bə Doha varid be.

İroni prezident Ğətərədə bıə qazi OPEK nomo iclosədə iştirokiro bə ın kişvəri paytəxt Doha varid be.

Bə İrna reporti əsos, İroni prezident seyd İbrohim Rəisi ımruj və de Ğətəri kerali rəsmi dəvəti bə ın kişvər varid be.

Ağaye Rəisi ki Ğətərədə bıə qazi OPEK nomo iclosədə iştirokiro bə Doha səfərış kardə de muxtəlif kişvəronku nımoyəndəon və yolon həm vindımon bəkarde.

Jığo elan bıə ki İron və Ğətəri heyət həminə 2 rujə səfəri kənoədə çandə 2 tərəfi saziş iyən muğaviləon imzo bəkardın.

İroni prezident həminə səfərədə həmçenin de Ğətərədə bıə İronıjon və Ğətəri taciron həm vindemon iyən sıhbət bəkarde.

Doktor Rəisi ın səfəri bərnamonku coqılə çı qazi sadirəkə kişvəron yolon iclosədə sıhbət karde ğeyd bıə ki şəy kənoədə həm 2 tərəfi vindemonon nəzərdəqətə bəy.

Qazi sadirəkə kişvəron icma de İroni təşəbbusi 1380 minnə sorədə və Tehronədə təsis be ki Əlcəzayer, Misr, Liviya, Niqerya, Ğətər, Rusiyə və Venesoela əcumlə çəy muhimmə kişvəronin.

Malazi, Norveç, İrağ, Azərbaycan Respublika və İ bıə Ərəb Əmirətion həm ın icmaədə bənə nazirə uzvonin.