İron iyən Ğətəri xarıci vəziron miyono telefoni rabitə.

Muxtəlif 2 tərəfi iyən reqiyonal məsələon barədə İron iyən Ğətəri xarıci vəziron telefoni muzakirə kardışone.

Bə İRna raporti əsos, Ğətəri iminnə vəziri muavin iyən çın kişvəri xarıci vəzir zinə bə İroni xarıci vəziri zanqış karde və Muxtəlif 2 tərəfi iyən reqiyonal məsələon barədə dəy sıhbətış karde.

Şeyx Muhəmməd Bin Əbdul-Rəhman Ali Sani bə ın kişvər İroni prezident Seyd İbrohim Rəisi muvəffəğə səfəri işorəş karde iyən əv və Ğətəri kerali miyono bıə mulağat-muzakironış bənə vey muhimmə hodisə bə hisobış varde.

İroni xarıci vəziri Huseyn Əmir Əbdullahiyan həm ın telefoni rabitə cərəyonədə bə Ağaye Rəisi səfərədə çı İroni prezidentiku Ğətəri rəsmi şəxson çokə mizbonəti işarə və çəvonku təşəkkurış karde.

Qaz sadirəkə kişvəron 6 minnə iclosədə iştiroki iyən 2 tərəfi və reqional məsələon barədə muzakirə kardero İroni prezident Seyd İbrohim Rəisi de Ğətəri keral Şeyx Təmim Bin Həməd Ali Sani rəsmi dəvəti Fevrali 21 bə Doha səfərış karde.