Sionis rejim çı İslom və ərəb dınyo vey yolə dışmone.

İroni milli əmniyət ali şura sərkatib çı İron-Ərəbiston muzakironədə İroni əktivə iştirokış de hamsuyə kişvəron dustanə həmkarion çərçivədə bıə Tehroni siyosətonku bə hisobış varde və votışe: Sionis rejim çı İslom və ərəb dınyo vey yolə dışmone.

Əli Şəmxani ıştə ımrujnə Tuvitter mesajədə bə İron-Ərəbiston muzakironədə və sionist rejimi barədə Ərəbistoni vəi əhd Bin Səlmoni tojə sıxanon işorəş karde və nıvışteşe: İron-Ərəbiston muzakironədə İroni əktivə iştirok ki de İraği mizbanəti dəvom kardeydə de hamsuyə kişvəron dustanə həmkarion çərçivədə ki həm 2 tərəfi və həm reqional mənafe təmin karde bois bəbe.

İron-Ərəbiston muzakironku tosə bə ısət 4 dıvrə votımonon İrağədə əncom bıə.

Tojədən Ərəbistoni vəi əhd Bin Səlmon bə məntəğədə de İron jimon kardey zəruriyati ışorəş karde və votəş be ki əmə israili bənə dışmon zeneydə nimon və şayəd taleədə çəmə mıttəfiğ həm bıbu.