İron iyən suriyə miyono bıə əloğəon bə inkişof bərəse.

İroni xarıci vəzir Tehron-Dəşəşği miyono bıə əloğəon inkişofiku xəbəş do.

Bə Fars aqentiyəti raporti əsos, Huseyn Əmir Əbdullahiyan Suriyədə de ın kişvəri prezidenti vindemoni cərəyonədə 2 tərəfi həmkari və əloğəon barədə sıhbətış karde.

Əv votışe: ticari sahədə İron və Suriyə miyono tojə həmkarion fəsli bino bıə ki de Suriyə co kişvəron əloğəon normal bey vositə dəvom kardeydə.

İroni xarıci vəzir votışe: İron de canq və ixtilofi muxalife iyən pidəşe ki ixtilafon siyasi royku həl bıbu.

Suriyə prezident, BƏşar Əsəd həm bə məntəğə təhəvvolaton işarə və təkidış karde: Əfğanistanədə Amerkə məğlubiyəti bəpeşt, xususi Ukrayna təhəvvolaton bəpeşt, oşko be ki Amerkə və Nato çı dınyo koon bənav barde əzı nin.

Əv bəzi kişvəron tərəfo jığonə 2 curnə standardonış məhkum karde və votışe ki dınyo bəpe bə Suriyə sionist rejimi təcavuzi məhkum ko.

Bəşar əsəd Amerkə tərəfo bəyon bıə çokə niyyəti be əsos zənəş be və Viyana muzakironədə bıə İron ivindemoni vey çok və həkimanə bə hisobış varde və əy bo Suriyə muhim zınəş be.