Tırkiyə ijən bə Suriyə qıləy kırdə məntəğəon həmləş karde.

Tırkiyə mudafiyə vəzorətxonə Suriyə şimolədə bıə Tırkiyə hərbi əməliyaton nəticədə çand nəfər çı PKK qurupi uzvon kıştə beyku xəbəş do.

Bə İRİB raporti əsos, Suriyə şimolədə iyən de PKK qrupi mubarizə barde hərbi əməliyoton cərəyonədə Tırkiyə çand nəfər çı PKK qurupi uzvon kıştışe.

Tırkiyə mudafiyə vəzorətxonə zinə həm xəbə doəş be ki çand nəfər çı PKK uzvonış Sulh Çəşmə nomo bıə hərbi əməliyati çərçivədə həlokış kardə.

Bə Suriyə iyən İrağədə bıə PKK qrupi uzvon Tırkiyə həmləon qıləy şərayetədə dəvom kardedə ki ın 2 qılə kişvəri rəsmi şəxson vey kərə həminə həmləon məhkum kardəşone və çəy dəvomi bənə beynəlxalğ ğanun iyən milləton ərazi təmamiyət və hakımiyəti poymol karde nımonə bə hisob vardəşone.

In həmləon nəticədə çandə çı İrağ və Suriyə ğeyri hərbi kırdon avarə bıən.

40 sor bəbe ki Tırkiyə iyən PKK qurupi miyono daveon dəvom kardedə.