Bə İroni sionist rejimi həmlə fəğət hanədə bəbe.

İroni xarıci vəziri siyasi muavin votışe: bə İron sioniston həmlə fəğət hanədə bəbe və əqə ın hani bıvindon hiç faxt çəyku oğo nibəben.

Bə İrna aqentiyəti raporti əsos, İroni xarıci vəziri siyasi muavin Əli Bağıri ki bə Oslo səfərış kardə de Norveçi dıvləti kanali mısohibədə çı İroni atom fəaliyəton iyən muzakiron oxonə vəziyəti barədə ijən bə Tehroni qırd atomi koon sulhin bey təkidış karde.

Əv çı jurnalisti qıləy sovalon barədə ki sionist rjimi anti İron hərəkəton iyən çın rejimi bə İron ehtemoli hərbi həmlə barədə be votışe: bə İron sioniston həmlə fəğət hanədə bəbe və əqə ın hani bıvindon hiç faxt çəyku oğo nibəben.

De anti İron zalimonə təhrim və sanqsiyaon ləğv kardey mehvəriyəti İron və ğərbiyon miyono bıə muzakirəon 8 minnə dıvrə Fevrali 8ku Viyanadə bino bıə.

İron vey kərə elanış karde ki Amerkə bənə atom sazışi ləğvəkə kişvəri bəpe de anti İron sanksiyaon ləğv kardey bə ın muğavilə oqardo peşo İron həm de sanksiyaon ləv bey prosses iyən dırıstəti imtivoni bəştə qiədə bıə koon əncom bədoy.