Yəmənı cənub hissədə Səudiyyə Ərəbıston və İ bə ərəbon əmirəti daveon.

yəmənı cənub təezədə Səudiyyə Ərəbıstonı və İ bə ərəbon əmirəti muzdoron dave bə 2 tərəfi ğıvvon çanqılə uzvi kışte və yarəjə be bois bedə.

Bə telerədyo aqentəti xəbon əsosi İ bə ərəbon əmirəti və Səudiyyə Ərəbıstobı muzdoron cumə rujnəku desbə ısət Ədən şəhri beynəlxalğə aeroportdə iyandı vədə ğərorışon qəte və ım məsələ bois be çı aeroporti ətrofədə dave jıqo şiddətine ki  təcavuzkarə hərbiyə təyyarəon həm muzduronku tərəfdarəti kardeyu bə arə dəşən.

ım dave bəvədə təşkil bedə ki yəmənı bə kəno şə president Əbde Rəbbe Mənsur Hadi  əmr dodə aeroporti muhafizə bıkə ğıvvon fərmondə ki İ bə ərəbon əmirəti çəyku mudafiyə kardə be əvəz bıbo.

aeroporti muhafizə bıkə fərmondə Əbu Ğəhtan elanış karde çəy əmri jiyədə bıə ğıvvon maş can manqe ki bə domo eqıniyə.

həmzəman Səudiyyə Ərəbıstonı rejim ədənədə ıştə muzduronku mudafiyə kardeyu veyə ğıvvəş vığandə və bəvonku həvoiyə mudafiyəş həm təmin kardə.

bəzi yəmənıjə mərkəzonku buvəşon heste Mənsur Hadi səudion hədəfon təmin karde domoədən ta bıznon yəmənı cənubədə İ bə ərəbon əmirəti nufuzi kam karde.