İmom Huseyn(ə)-i qımbəzi boydəğ əvəz kardey mərosim.

İraği mənbəon Həzrəte Huseyn(ə)-i qımbəzi sıə boydəği bə əzo siyohə boydəği əvəz kardey adəti de matəmə mərosimi dəvoniye xəbəşon do.

Imruj Miladi 2022 minnə sori İyulə manqi 30, Hicri Ğəməri 1444 minnə sori Məhərrəmə manqi iminnə ruje. İmom Husein(ə) dınyo şiəyon 3minnə İmome ki Hicri Ğəməri 61 minnə sori Məhərrəmə manqi 10 minnə rujədə, Kərbəloədə şəhid bıə, və Kərbəloədə deştə mislış nıbıə fidokorəti vositə, bə həmmə dınyo ozodəti və izzəti dərs umutəşe.

Bə İRİB raporti əsos, zinə və Məhərrəmə manqi i minnə şəvədə, islamiyə kişvəronku çand sa həzo İmom Husein(ə)-i aşiğ bə Kərbəlo beynolhərəmein moşərrəf bin ta Həzrəte Əbaəbdullahel Husein(ə)-i qımbəzi sıə boydəğ bə əzo siyohə boydəğ əvəz kardey matəmə adəton mərosimədə iştirok kon.

Im mərosimədə, əzodoron de Ləbbəykə ya Husein(ə) de Seyed və Salare şəhidon(ə) iyən çəy bozorqvarə bıvə Həzrəte Əbulfəzle Əbbas(ə) ıştə bəfodorəti nışo dodən.

Kərbəlo hodisədə, İmom Husin(ə) ğoymə surətədə təkidış kardə be: "çıme hədəf, anti islami hukuməti beabru iyən əmre be məerof və nəhye əz munkəri bərpo  və zılm iyən sıtəmi vədə muğavimət kardeye."

Həzrəte İmom Husein(ə)-i hərəkəti dərson, bə həmmə dınyo iyən bəşəriyəti tarix və coqrafiya məxsuse və hiç vaxt karde nibəzne ım hərəkəti məhdud kəmon.