Marebı ğərb hissədə bə Səudiyyə Ərəbıstonı muzdoron yəmənı rəketinə hucum.
Yəmənı hərbiyə ğıvvon iyən çı məmləkəti milləti tərəfiku təşkil bə ğıvvon rəketinə mərkəz Zelzal2 nomo bıə qıləy rəket bə Mareb ostani ğərb Səudiyyə Ərəbıstonı muzdoron hərbiyə mərkəz ğandə.
Bə Fars aqentəti xəbon əsosi yəmənı hərbiyə ğıvvon iyən çı məmləkəti milləti tərəfiku təşkil bə komitə uzvon zinə Zelzal2 nomo qıləy rəketəndə yəmənı mərkəz Marebı ğərb Cəbəl Səlb nomo bıə məntəğədə bə Səudiyyə Ərəbıstonı muzdoron cəm bə vırə ğandən ki dəğiğən bə hədəf qınedə və nəticədə Səudiyyə Ərəbıstonı muzdoronku çandə nəfər bə həlokət rəsedən və can nəfər həm yarəjə bedən.
yəmənıjə ğıvvon həmçinin yəmənı cənub Ləhec ostani Kəhbub məntəğə şərğ hissədə bə Səudiyyə Ərəbıstonı muzdoron qıləy hərbiyə maşini hucum kardən ki çəy ha 3 qılə sərneşin həm bə həlokət rəsedən.
yəmənıjə snaper həm Səudiyyə Ərəbıstonı cənub Cazan məntəğədə Əlfərizə nomo bıə hərbiyə mərkəzədə Səudiyyə Ərəbıstonı qıləy əskəri bə həlokət rusnedə.
