Nablosədə sionist rejimi droni suğut karde
Zinə şəv sionist rejimi ərtışi sıxənəvot Nablosədə ım rejimi drononku qıləyni suğut kardeyku xəbəş do
Bə İrna raporti əsos, Avixay Aderii iddeoş kardə ki ım dron texniki problem nəticədə suğutış kardə.
Əv ijən iddeoş be ki ım droni məlumaton oşko beyku hiç tarsış ni.
Dəvardə 72 saəti mıddətədə ım sionist rejimi 2minnə dron be ki suğutış kardə.
Həminə cəhətədə çoşəmbə şəv, ebəri zıvonə mediyaon həm Əlxəlili şimolədə sionist rejimi qıləy droni suğut kardeyku xəbəş doə be.
Vote bıdə Əlxəlil şimol Beyt Əmr nomo bıə qədə şəhrədə de Fələstinıjə cıvonon daveon cərəyonədə, ım dron suğutış kardə.
Dəvardə haftəonədə, sionist rejimi ərtış, bə Baxtəri koridori səmti, xususi Cənin və Nablos məntəğəonədə hərbi əməliyaton əlovəş kardə.
Bəzi təhliləkəyon etığadışon heste ım hərəkəton Baxtəri koridorədə Fələstinıjon komilə İntifozə bino bey vəy qətey cəhəto əncom bıdə.
