Yəmənı sərhəddədə Səudiyyə Ərəbıstonı 2 qılə bepilutə cəsusiyə təyyarə arəku şedə.

Yəmənıjə mənbəon Yəmən və Səudiyyə Ərəbıstonı sərhəddonədə bə ale səud rejimi vabəstə bıə be pilutə təyyarəon bə zəmin eğandeku xəbəş do.

Yəmənı Səbanet aqentəti zinə  elanış karde ım 2 qılə be pilutə təyyarə yəmənı şimal Əlcuf ostanədə yəmənı hərbiyə ğıvvon iyən Ənsarullah hərəkati ğıvvon dastədə arəku şəy.

bə yəmənı milləti zid Səudiyyə Ərəbıstonı hucumon bino beku desbə ısət  Səudiyyə Ərəbıstonı çandə qılə cəsusiyə be pilutə təyyarə yəmənıjə ğıvvon tərəfiku arəku şəy.

həminə holədə Əlməsirə TV elanış kardə Səudiyyə Ərəbıstonı təcavuzkarə hərbiyə təyyarəon 5 kərə yəmənı cənubğərb Təez ostani Əlxalid hərbiyə mərkəzi bombardımon kardən.

ım hucumədə çandəqılə kə iyən bina kamilən xərob bedə.