Suriyə barədə Amerkə funksiyaku Çavuşoğlu tənğid

Tırkiyə xarıci vəzir bə ım illət ki de Suriyə rabitəon normal kardey muxalifətışe, Amerkəku tənğidış kardə.

Dəvardə manqonədə Tırkiyə de Suriyə rabitəon normal kardeyro ğəmon peqətəşe, əmmo həminə barədə de Vaşenqtoni muxalifət dim bə dim bıə. Milodi 2022 minnə sori Sentiyabrə manqi oxoədə, Amerkə xarıci vəzarətxonə sıxənəvoti muavin Vidant Patel ıştə mısohibədə, de kişvəron əcumlə Tırkiyə de Suriyə rabitəon normal kardey Vaşenqtoni muxalifəti elanış kardə be.

Bə TRT Tele-Rədio kanali raporti əsos, Seşəmbə rujədə, Tırkiyə xarıci vəzir, Mevlud Çavuşoğlu Ankara iyən Dəməşği miyono rabitəon bərğəror kardey barədə, bə qıləy Amerkəvıjə rəsmi şəxsi nəzəon işorəş karde iyən votışe: Amerkə əməku soal karəş ni ki boçi de əvon vindemon kardedəron və ya kom hodisə icod bəbe, əmmə əmə zıneydəmon ki əvon de həminə normal kardey muxalifin. ım məsələ Amerkə xarıci vəzarətxonə sıxənəvoti cəvob ki bə qıləy mətbuotiyə şəxs doə be, oşko bıə.

Tırkiyə aliyə diplomatiya, dəvardə soronədə, bə Bəşşar Əsədi dıvləti ələyh, əncom bıə siyasəton be nəticə zıneydə və əlovəş karde: Suriyədə bəpe daxıli canq bə oxo bırəsə.

Çavuşoğlu ıştə sıhbəton dəvomədə təsdiğış karde: Tırkiyə, daimə stabiləti hakim bey, terrorizm məsələ bə oxo rosniye iyən Suriyə ərzi təmamiyyəti və marzon oqətey pidəşe.

Tırkiyə xarıci vəzir, Tırkiyə və Suriyə prezidenton vindemoni bə Tırkiyə prezident, Rəcəb Təyyeb Ərdoğani ğəroli vabəstə zıneydə.

votey bəbe ki Amerkə xarıci vəzarətxonə sıxənəvot, Ned Perays ıştə oxonə haftəiyə xəbəiyə iclosədə votəş be, ısət rabitəon nirmal kardey zəmon ni, ısət de Suriyə rabitəon bə inkişof rosniye zəmon ni.