Tehronədə bıə Fələstini səfir de İroni xarıci vəziri vindemonış kardə
İroni xarıci vəzir iyən İron İslom Respublikaədə bıə Fələstini səfir, işğal bıə sərzəminon oxonə təhəvulaton barədə de yande vindemon iyən votımonışon kardə.
Bə Tele-Rədio aqentiyəti raporti əsos, ,İroni xarıci siyasəti təşkiloti yol Huseyn Əmirəbdullahiyan Tehronədə bıə Fələstini nakonə səfir Səlah Əlzəvavi iyən Fələstini ısətnə səfir, Xanım Səlam Əlzəvavi vindemonədə, işğal bıə sərzəminon oxonə təhəvulaton barədə de yande votımonışon kardə.
Milodi 2022 minnə sor, israili ərtışi səmtiku Fələstini kıştə bıəon cəhəto veyə miğdori soyb be.
Bə rəsmiyə statestikaon əsos, həminə sori 12 manqi mıddətədə, Ğəzzə tanqə iyən Baxtəri tanqədə 225 nəfər de sionist rejimi vositə şəhid bıən.
Həmçınin dəvardə sorədə, sionist rejimi zindononədə, 5 nəfər Fələstinıjə əsir şəhid bıən, Fələstini əsir bey hərəkəti şəhidon miğdor bə 232 nəfər əlovə bıə.
Milodi 2022 minnə sorədə, de sionist rejimi vositə, Fələstinıjon dastqirəti həmçınan dəvomışe. Həminə barədə Fələstini əsiron mıtoliə mərkəz ıştə raportədə elanış karde ki həminə sorədə ki dəvardə sionist rejim, işğal bıə əraziədə Fələstinıjon dastqirəti əlovə bıə və çand həzo nəfər həm dastqir bıən.
Həminə raportədə omə ki dəvardə sorədə, təğribən 7 həzo Fələstinıjon de israili işğalçiyə hərbiçion vositə dastqir bıən ki çəvon miyonədə 164 nəfər jen iyən kinə, və 865 nəfər həm hırdən vindey bəbe.
Fələstinıjə əsiron mıtoliə mərkəz ijən işorəş karde ki veyə dastqir bıə kəson təhğiğ iyən təğib kardey bəpeşt, ozod bıən əmmo çəvonku veyə miğdor həmçınon əsirin.
