Səudiyyə Ərəbıstonı hərbiyə təyyarəon hucum bə Yəmən həmçinan dəvomış heste.

Səudiyyə Ərəbıstonı hərbiyə təyyarəon bə yəmənı mıxtəlif məntəğəon hucum kardedən ki nətcədə xəyli ğeyre hərbionku kıştə bedən və ciddiyə ziyanon həm qıniyə bedə.

Bə Əlməsirə TV kanali elanon əsosi Səudiyyə Ərəbıstonı hərbiyə təyyarəon zinə əsrə vaxti yəmənı Həccə ostanədə Hərəz və Midi şəhron 11 kərə bombardımon kardedən.

həmçinin Səudiyyə Ərəbıston yəmənı Əlhədidə ostanədə bə Əlsəlif şəhri həm 4 kərə hucum kardedə.

həmçinin Təez ostanədə Cəbəlhozan məntəğə 8 kərə və Mədaresələmri məntəğə həm 1 kərə Səudiyyə Ərəbıstonı hərbiyə təyyarəon tərəfiku bombardımon bedə ki nəticədə çandənəfər ğeyre hərbi kıştə və yarəjə bedən və bə ğeyre hərbiyə kəon binaon iyən əsosə mərkəzon veyə ziyanon qıniyə bə.

eyne holədə yəmənıjə mənbəon elanışon kardə Səudiyyə Ərəbıstonı muzdoronku qıleni Muhəmməd Əbdulla Əlsəer ki eyne holədə yəmənı Marib ostani Sərvah şəhri əməliyat muavin həm bə de yəmənıjə ğıvvon dasi bə həlokət rəsedə.