İrağədə İron və Çini səfiron vindemon iyən məşvərət

İrağədə, İron İslom Respublika və Çini səfir de yande vindemon və beynəlxalğə təhəvulaton və 2tərəfiyə rabitəon barədə məşvərət kardən.

İrağədə və Çin kişvəri səforətxonə vırədə, İron İslom Respublika səfir, Muhəmməd Kazım Ale Sadığ de Bəğdadədə bıə Çini səfir Çoy Voy vindemonış kardə.

Im vindemonədə, 2 tərəf məntəğə və beynəlxalğə oxonə təhəvulaton təğib iyən muxtəlifə baxşonədə bə 2 qılə kişvəri rabitəon hevujəti təkidışon kardə.

Bə YJC  raporti əsos, İrağədə bıə İron İslom Respublika səfir de Bəğdadədə bıə Çini səfiri vindemoni cərəyonədə, bə Pekin İron İslom Respublika prezident Seyd İbreym Rəyisi səfəri işorəş kardə iyən İron və Çini rabitəon vey muhimm zıneydə və bə iğtisodi vey muhimmə planon və mıştərəkə strukturon komil kardey zərrorəti təkidış kardə.

Bəğdadədə bıə Çini səfir həm bə Pekin İron İslom Respublika səfəri vey muvəffəğiyətin zıneydə və 2 qılə kişvəri rabitəon stratejik zıneydə.

Çoy voy həmçınin votışe: seminnə kişvəronədə 2 qılə kişvəri həmkoətion nəhayətədə beynəlxalğə nizomədə bə ədolət mehvəri diyəon rəvoc doey komək kardedə.

Ale Sadığ həm beynəlxalğ və məntəğə ictimaonədə mıstəğilə kişvəron miyono 2 iyən çand tərəfiyə həmkoəton vey təsirin zıneydə.