Nasır Əbuşərif: Fələstin, İslom dınyoədə vey muhimmə məsələy

Tehronədə bıə Fələstini İslomi Cihodi hərəkəti nımoyəndə votışe: Fələstin, İslomi dınyo vey muhimmə məsələy.

Bə İsna aqentiyəti raporti əsos, Ğudsiku himoyə kardeyədə sadığ mandə hın beynəlxalğə iclosədə, Fələstini islomi cihodi hərəkəti nımoyəndə, Nasır Əbuşərif əlovəş kardə: sioniston və yəhodiyon mediyaon royku ıştə duə zıxənon muntəşirışon kardə və jıqo nışo dodon ki ıştən məzlumin və Fələstini millət çəvon sərzəmino işğal kardışone, əmmo Fələstini millət sionist rejimi duə sıxənon be nəticə kardışone.

Tehronədə bıə Fələstini İslomi Cihodi hərəkəti nımoyəndə ijən təsdiğış karde: İsraili həmpeymanon vey xərcon əncom doşone ta ıştə duə sıxənon rəvoc bıdən əmmo Fələstini məzlumiyəti mesaj, bə israili rejimi duə sıxənon səbarz bıə.

Əbuşərif ijən əlovəş kardə: sioiston virtual fəzo royku cəhd kardedən ki Fələstini idea əks nışo bıdən, əmmo Fələstinıjon de metodoni ki çəvon ixtiyorədəy, israili rejimi duə sıxənon be nəticə kardışone.

Zinə Tehroni ozodi bırcədə, Şərifə Ğudsiku himoyə kardeyədə sadığ mandə Hınə beynəlxalğə iclos de İroni xarıci vəzarətxonə sıxənəvot, Tehronədə bıə Yəməni səfir, Fələstini intifozə beynəlxalğə onemoni sərkatib, İron İslom Respublika  prezidenti Fələstiniku himoyə yol iştiroki bərpo bıə.