Dəməşğədə bıə İroni parlament heyəti məsləhəton
Mar 02, 2023 13:11 Asia/Tehran
Dəməşğədə çı İron və Suriyə parlament dustiyəti kamisiya uzvon iclos bino be.
Bə İranpress aqentiyəti raporti əsos zinə ruji iclos və vindemoni cərəyonədə İron və Suriyə parlament dustiyəti kamisiya İronıjə rəis, Əbbas Qolru və çı kamissiya Suriyəvıjə yol Hifa Cumə bə Tehron-Dəməşği parlament əloğəon inkişofi təkid kardışone.
həminə vindemonədə İron və Suriyə parlament dustiyəti kamisiya Suriyəvıjə yol Hifa Cumə bə 2 qılə kişvəron miyono əloğəon vırə bə vırə karde işorə və əlovəş karde: əloğəon de zumandəti bə nav şeydə.
İron və Suriyə parlament dustiyəti kamisiya uzvon de Suriyə məclesi yoli həm vindemon kardışone.
In heyət 3 şənbə Bə Suriyə varid bıə.
