Robert Mali:Bə İroni nuvə obyekton hucum səhf be
Robert Mali:Bə İroni nuvə obyekton hucum səhv be,Tehron təzyiği jiyədə bə strateji quzəşton nibəşe
Robert Mali:Bə İroni nuvə obyekton hucum səhv be,Tehron təzyiği jiyədə bə strateji quzəşton nibəşe
AİŞ-on İroni sahədə bıə sabiğ numayəndə çoşanbə ruji doə musahibədə etırofış kardə ki,çe Amerkə bə İron İslom Respublika nuvə obyekton hərbi hucum səhv bıə və Tehron təzyiği jiyədə bə strateji quzəşton nibəşe.
Bə Amerkə MSNBC şəbəkə interviyu doə Robert Mali,bə Baydeni administrasiya bo nuvə sazişi(JCPOA) bəyji kardero bıə səyon beovandəti işorə kardə holədə,bo kişfəron təslim bey məcbur kardero fəğət çe sanksiyaon tətbiği kifoyət nıkardeyış və hərbi variyanti çe İroni atomi problemi həlli nıbeyış təkid kardə.Barak Obama prezdentəti devrədə bə nuvə mızokirəon həm rəhbərəti kardə AİŞ-on İroni sahədə bıə sabiğ xususi numayəndə bənə Liviya,İrağ,Şimoli Koreya və Ukrayna bıə mıxtəlifə kişfəron təcrubəon işorə kardə holədə votəşe:“Mı çe İroni rəsmiyon vırədə bıəbim,yəğın ki,bə ın nəticə rəsəm ki,bə nuvə silohi niyoz və ehtiyocim heste.zira ıştə atom bərnomə təslim kardə Ğəzzafi məhf be,atom bombaş nıbə Səddam Huseyni həm suğutış karde,əmmo atom bombaş bıə Şimoli Koreya xilos be”.
