Ğəribobodi:İtaliya və Rumıniya bə İroni ələyh təcovuzi xoto beynəlxalğə məsuliyyətışon heste

Pars Tudey-İroni Xarici Koon Vəzirəti Huğuğ və Beynəlxalğə Koon Vəziri mıovin çe NATO Sər katibi AİŞ-on bə İroni hucumdə İtaliya və Rumıniya bazəonku istifodə kardey anqıl sıxanon bo ın kişfəron beynəlxalğə məsuliyyəton səbəb beyış təkid kardə.

Pars Tudey bə İroni Tele-Rədyo Korporasiya istinodən doə məlumoti əsos,İroni Xarici Koon Vəzirəti Huğuğ və Beynəlxalğə Koonsahədə mıovin Kazım Ğəribobodi zinə,cımə şəvi ıştə X-Net hisobədə çe NATO Sər katibi bə Fox News-i doə musohibədə çı AİŞ-sehyonistə hərbi təcovuzi dastək doeyədə bə NATO roli,həmən bə İtaliya və Rumıniya çı AİŞ-on bə İroni zidd hərbi əməliyyoton ziyodə koməq kardə bənə dıqlə kişvəri zıney anqıl etırofi cəvobən nıvıştəşe:NATO Sər katibi çe AİŞ-on bə İroni hucumədə çe İtaliya və Rumıniya bazəonku oko doey anqıl sıxanon bə çın kişfəron beynəlxalğə məsuliyyəton səbəb beydə. Əy,bəştə sıxanon dəvomış doə:Bə Sər Assambleya 3314 ədədinə ğətnomə əsosən,çe qıləy devləti bə seminə devləti ələyh təcovuz kardero ərazi təmin kardey bənə təcovuzi aktı hisob beydə.