Əl-Husi: İroni dışmenon peyo ğələbə çe qırd mığoviməti məhvəri səbarzətiye
Pars Tudey-Yəməni Ənsarullah Hərəkoti sər katibi İroni çe İslomi umməti dışmenon peyo ğələbə bo mığoviməti məhvəriro qıləy muhimmə noiliyyətış zınə.
Pars Tudey bə Mehr Xəbə Aqentəti istinodən doə məlumoti əsos,Yəməni Ənsarullah Hərəkoti sər katib Əbdul Malik Əl-Husi votəşe:Çəmə İslomi ummət çe kofirə lideron,yəni bə Amerka və sionist rejimi ələyh çe Ğıroni imoniku və nuriku,çe İmam Hüseyni(ə) royku koməq seydəmon.çəvon bə Fələstini xalği və bəçəmə umməti ələyh yavə məğsədon və cinoyəton nışon doydə ki,əvon bo qırd insonə cəmiyyətləriro mıtləğə şərrin. Əmə Somalilandədə çe dışmeni hərəkəton rəsəd kardedəmonƏbdul Malik Əl-Husi bəyonış kardə:Əmmo çe Somalilandi məsələdə,bəpe bıvotom ki,əmə de Ədəni kandovi və Bab əl-Məndəbi əraziyon bə nəzorəti ji vardey məğsədi anqıl inkişofon və seonistə dışmeni hərəkəton çe neziku təğib kardedəmon.Əmə bə Sıə dıyo nəzorət kardə məmləkəton bə seonistə hərəkoton zidd mıştərəkə mevğe vıjniyero vanq jeydəmon.Bın məsələdə hiç vaxti tam nibəjənemon. Somalilandədə seonistə dışmeni hərəkəton hədəf qəteyro har qıləy vaxt təşəbbıs nışon bədomon. Somaliku bə seonistə dışmeni ələyh dastəq tələb kardedəmon;ın dışmen çe Somali suverenətiş darıştə və bo reqiyoniro təhlukə hisob beydə.
