İron və Ommani miyono nati muğaviləon imzo bey

De Omani nati vəzir və məədəni mənbəon və enerji vəziri iştirok, nat və nati kimyəvi məhsulon ixrocoti əlovə bey iyən nat və qazi meydonon bə inkişof rosniye baxşonədə, İron və Ommani həmkoətion hevujəti muğavilə imzo bıə.

Bə Şana nomo bıə nat və enerji məlumatərosnə kanali raporti əsos, İroni nati vəzir Cəvad Oci, Tehronədə Omani məədəni mənbəon və enerji vəzir, Səlim İbne Nasır Əlofi vindemoni bəpeşt, Tehron və Maskatədə bə İron və Omani rəsmi şəxson nakonə muzakirəon və de Omani enerji vəzorətxonə veyə koşınosiyə icloson bərpo bey işorəş karde iyən votışe: ımrujə iclosədə de nat və qazi meydonon inkişofi çərçivədə de Omani tərəfo nati kimya və nati emol kade zəvudon baxşədə muzakirəon əncom bıə.

Oci ijən əlovəş karde: de diğğət bə İron İslom Respublika və Omani nat və qazi zərfiyəton nati kimya və nati emol kade zəvudon baxşonədə və həmçınin nati kimya məhsulon ixracati hissədə çokə muğaviləon əncom bıə.

İroni nati vəzir ijən təkidış karde: dəvardə soronədə de ım vucud ki İroni fobiya əlovə beyro Amerkə veyə cəhdon əncomış do və Farsi xəlicədə bıhron icodış kardən əmmo həmişə İron və Omani əloğəon bə yande mənafe ehtırom noey əsos be.

Omani rəsmi şəxson ijən etığadışon heste de İroni nezə əloğəon bə realizmi əsos be və İroni bənə qıləy yolə hamsuyə zıneydən.

Hiç vaxt 2 qılə kişvər de yande marzi və sərzəmini ixtilofışon ni.

Omaniku İroni himoyəon, Omani torixi hofizədə mısbət və əbədi surət mandə.