Bə Oman İroni ixracat 100 faiz əlovə bıə

İron və Omani ticori palata yol votışe: ımsor, 1401 minnə sorədə, bə Oman, İroni ixracat təğribən 100 faiz əlovə bey və 600 milyard dollariku bə 1 milyardo 200 milyon dollar rəseyku xəbəş do.

Bə Təsnim aqentiyəti raporti əsos, İron və Omani ticori palata yol, Cəmal Razeği əlovəş karde: cari sorədə \, ticori mıştərəkə palataon miyonədə, İron və Omani mıştərəkə palata vey çokə fonqsiya soyb be ki çəy vey muhimmə səbəb İron və Oman miyono mınosibə siyasi rabitə bə hisob omeydə.

İron və Omani ticori palata yol ijən təsdiğış karde: İroni istehsoli məhsulon ixracati bə inkişofiro veyə zərfiyəton mucude ki bəpe bəy diğğət bıbu.

De ım vucud ki İrono fobiya əlovə beyro, Amerkə cəhdon iyən Fars dıyoədə daveon əlovə bıə, dəvardə soronədə İron və Omani rabitəon bə yande ehtırom noey əsos be.

Omani rəsmi şəxson etığadışon heste ki de İroni nezə rabitəon bə realizm əsos be və İron qıləy yolə hamsuyəy.

2 qılə kişvər hiç curnə sərzəmini iyən marzi cəhəto ixtilofışon ni.

Omaniku İroni himoyəon de mısbət və əbədi surət Omani torixi yodədə mandəş.