Bəğdadədə Həkin Nizami məğom iyən vırə yol qətey mərosim

İronıjə məşhurə şair, Həkin Nizami vırə iyən məğomi yol qətey məxsusə mərosim Bəğdadi universitetədə bərpo be.

Bə İrna raporti əsos, həminə elmi-ədəbi mərosimədə İrağədə bıə İroni səfir, Bəğdadi zıvonşenasi fakultə yol iyən çandə bə ın şairi aşiğ bıə kəson, ustadon və tələbəon iştirokışon be ki de Bəğdadi farsi ədəbiot iyən zıvoni caleqi mizbonəti bərpo be.

Farsi zıvon və ədəbiyoti tojə tələbəon bə universitet varid bey, təhsili oroxniyə tələbəon mərosim, ustadonku ğədrdonəti karde, Farsi ədəbiyot və zıvon fakultə iyən baxşi imkonotonku diyə karde iyən Nəvuzə İdi mərosimon əcomlə ın qırdbemoni bərnamonku be ki de cəmaəti veyə iştiroki dəvoniyə bəy.

Parsi ədəbiyoti yolə şairon iyən ustadonku qələyni,Cəmaluddin Əbu Muhəmməd Elyasi, Hicri Ğəməri 6 minnə əsrədə bıə şair və dastan votə kəs yəni Nizomi çı İroni milli şəxsiyəti memorətiədə vey muhimmə təsirış be.

Qıləy şair de mislış nıbıə asron ki Farsi ədəbiyotədə tojə şivə iyən metodi icodış kardə.

Əsəroni ki çəvon vey erjin iyən muhimmə qılə Xəmsə ya 5 qənc heste.

Nezami,  illustrasiya iyən kompozisiyaədə ustad be, anədə ki əqə Sədi, Hafiz, Molana iyən Ferdosi bənə farsi zıvoni 4(ço) qılə yolə şairi hisob kəmon, hukmən Nizami 5(penc) minnə qıləy.